Cult Killings Don Happen Again For Pitakwa Inside Port Harcourt Nigeria
Cult Killings Don Happen Again For Pitakwa Inside Port Harcourt Nigeria

Cult Killings Don Happen Again For Pitakwa Inside Port Harcourt Nigeria

 Cult Killings Don Happen Again For Pitakwa Inside Port Harcourt Nigeria

Cult gbege kill at least one pesin for daylight shooting wey happun for Port Harcourt, Police confam on Thursday.
E dey happun just one week afta one cult group attack and behead two members of anoda rival cult group for Owipa, Rumuchakara for Choba and police still dey investigate dat case.

Eyewitness say cultist begin shoot for di popular Waterlines junction on Wednesday afternoon and all of dem take cover to protect demsef.

One pesin die and stray bullet reach anoda pesin wey get wound, Rivers State Police Command tok tok pesin Nnamdi Omoni don confam
One taxi driver wey dey run waterlines to Agip say “I dey wait my turn to load, di next tin we begin hear gun shot, all of us take cover.”
Di taxi driver say police later come carry di dead bodi of di boys.

Chika wey dey do lotto game say e no tey she comot go settle payment for Ikoku as work close, wen she dey return she hear say pipo dey shoot, dey run for Waterlines and pesin don die so motor no gree go dat side again.

Di police tok tok pesin say di deadbodi of di not wey die dey with police as dem don begin investigation inside di mata.
DSP Omoni say even though say dis tin dey make pipo worry, make dem no panic as dem don double dia patrol especially as Christmas season don dey come

  • Category : Funny Articles/news
  • Date : December 6, 2018